Fréttir og tilkynningar

Sendinefndir frá systursamböndum Sambands íslenskra sveitarfélaga í Noregi og Póllandi funduðu með íslenskum sveitarfélögum 24. janúar í Reykjavík og 26. janúar á Akureyri um samstarfsmöguleika með tilstyrk EES uppbyggingarsjóðsins.

Nokkur undanfarin ár hefur Byggðastofnun fengið Orkustofnun til að reikna út kostnað á ársgrundvelli, við raforkunotkun og húshitun á sömu fasteigninni, á nokkrum þéttbýlisstöðum og í dreifbýli.

Stjórn Námsleyfasjóðs auglýsir eftir umsóknum í Endurmenntunarsjóð grunnskóla vegna endurmenntunarverkefna skólaárið 2023-2024. Umsóknarfrestur er til og með 6. mars 2023.

Athygli sveitarfélaga er vakin á því að innviðaráðherra hefur gefið út uppfærðar viðmiðunarfjárhæðir tekju- og eignamarka vegna félagslegra leiguíbúða fyrir árið 2023.

Sem betur fer reyna langflestir foreldrar allt sem þau geta til að vernda og verja börnin sín fyrir því sem veldur þeim skaða. Börnum af minni kynslóð var til dæmis kennt að varast ókunnuga á götum úti, fara aldrei upp í bíl með ókunnugum og svo auðvitað var stúlkum kennt að passa sig og setja sig ekki í aðstæður sem gætu leitt af sér ofbeldi. Það heppnaðist ekki alltaf, en það voru verkfærin sem foreldrar okkar höfðu. Óþokkar í myrkum húsasundum voru óöryggið og óttinn sem bar að varast. 

Í dag er alþjóðlegur dagur menntunar. Án kennara getur menntun ekki átt sér stað og varð skortur á kennurum til þess að stjórnvöld settu af stað fimm ára átaksverkefni um nýliðun kennara vorið 2019. Útskrifuðum kennurum hefur fjölgað umtalsvert frá því að átaksverkefnið hófst.

Og þurfa þær staðfestingu ráðuneytis?

Innviðaráðherra, hefur gefið út uppfærðar viðmiðunarfjárhæðir tekju- og eignamarka vegna félagslegra leiguíbúða fyrir árið 2023.

Karl Björnsson, framkvæmdastjóri Sambands íslenskra sveitarfélaga, hefur tilkynnt að hann muni láta af starfi sínu þann 1. maí nk. og fara á eftirlaun.

Þann 21. október síðastliðinn skipaði umhverfis-, orku- og loftslagsráðherra stýrihóp sem hefur það hlutverk að vinna tillögu að efnisþáttum og skipulagi fyrir gerð landsáætlunar um aðlögun að loftslagsbreytingum.

Samband íslenskra sveitarfélaga hefur í samstarfi við Umhverfis-, orku- og loftslagsráðuneytið og Húsnæðis og mannvirkjastofnun boðið öllum sveitarfélögum að taka þátt í verkefni um breytta innheimtu fyrir meðhöndlun úrgangs. Verkefnið nefnist ,,Borgað þegar hent er heim í hérað“ og hefur það að markmiði að mengunarbótaregluna við meðhöndlun úrgangs.

Samband íslenskra sveitarfélaga hefur ráðið tvo sérfræðinga til starfa á skrifstofu sambandsins.

Sexan er stuttmyndasamkeppni fyrir nemendur í 7. bekk í grunnskólum landsins, með það að markmiði að fræða þau um mörk og samþykki, en einnig um tilurð, birtingarmyndir og afleiðingar stafræns ofbeldis, þ.m.t. um slagsmál ungmenna, tælingu og nektarmyndir.

Sveitarfélögin Skagabyggð og Húnabyggð hafa tekið í notkun ný byggðarmerki sveitarfélaganna.

Mennta- og barnamálaráðuneytið hefur úthlutað 143 m.kr. í styrki til sveitarfélaga til að bregðast við aukningu í móttöku barna á flótta. Styrkirnir snúa annars vegar að eflingu skóla og frístundastarfs og hins vegar að stuðningi við umdæmisráð barnaverndar og önnur úrræði fyrir fjölskyldur á flótta.

Reykjavíkurborg áformar að tvöfalda magn nýrra íbúða frá fyrri áætlunum. Stefnt á 2.000 nýjar íbúðir á ári í Reykjavík næstu fimm árin.

Fréttabréf Sambands íslenskra sveitarfélaga, Tíðindi, er tíu ára en fyrsta tölublaðið kom út í janúar 2013.

Uppbygging innviða á Íslandi. Ráðstefna á vegum lífeyrissjóða og innviðaráðuneytisins 2. febrúar 2023.