Fréttir og tilkynningar

Frestur til að sækja um styrk til fráveituframkvæmda er til 1. september nk. en opnað var fyrir umsóknir sveitarfélaga um styrki þann 13. júní sl.  Samkvæmt upplýsingum frá umhverfis-, orku- og loftslagsráðuneytinu hefur aðeins eitt sveitarfélag skilað inn umsókn.

Samband íslenskra sveitarfélaga framkvæmdi nýlega könnun á úrgangsstjórnun sveitarfélaga. Könnunin er gerð í ljósi þess að um áramótin komu til framkvæmda ýmis ákvæði laga nr. 103/2021 sem sett voru vegna innleiðingar hringrásarhagkerfis þar sem sveitarfélög gegna lykilhlutverki.

Frestur til að sækja um þátttöku í þróunarverkefni um samþætta heimaþjónustu hefur verið framlengdur til og með 14. september nk.

Drög að reglugerð um íbúakosningar sveitarfélaga á grundvelli 133. gr. sveitarstjórnarlaga hafa verið birt í samráðsgátt stjórnvalda. Hægt er að senda inn umsagnir eða ábendingar til og með 1. september nk.

Samband íslenskra sveitarfélaga vekur athygli á Hvítbók um húsnæðismál liggur nú frammi í Samráðsgátt stjórnvalda.

Fulltrúar sambandsins og Samtaka sveitarfélaga á höfuðborgarsvæðinu funduðu í morgun með dómsmálaráðherra og félagsmálaráðherra um stöðu hælisleitenda sem sviptir hafa verið öllum stuðning eftir synjun um alþjóðlega vernd.

Samband íslenskra sveitarfélaga hefur tekið saman minnisblað um álitaefni sem fram koma í 15. grein laga um félagsþjónustu sveitarfélaga nr. 40/1991 og varða heimild eða skyldu sveitarfélaga til að veita útlendingi sem ekki hefur lögheimili á Íslandi fjárhagsaðstoð.

Íslensk nýorka, Eimur, Samtök sveitarfélaga og atvinnuþróunar á Norðurlandi eystra og Vestfjarðastofa standa fyrir sameiginlegum viðburði þann 29. ágúst n.k. kl. 13:00.

Samband íslenskra sveitarfélaga harmar þá stöðu sem upp er komin í málefnum hælisleitenda sem njóta ekki lengur grunnþjónustu skv. breyttum útlendingalögum, tekur sambandið jafnframt undir yfirlýsingu sem Samtök sveitarfélaga á höfuðborgarsvæðinu hafa sent frá sér.

Mennta- og barnamálaráðuneytið boðar til morgunverðarfundar um nýja framkvæmdaáætlun á sviði barnaverndar fyrir árin 2023 til 2027 mánudaginn 14. ágúst kl. 8:30–10:00 í Nauthóli.

Sambandið vekur athygli á auglýsingu frá Mennta- og barnamálaráðuneytinu um úttekt á starfsemi tónlistarskóla. Auglýsingin birtist í Morgunblaðinu 15. júlí sl.

Þingeyjarsveit hefur tekið upp nýtt byggðamerki fyrir sveitarfélagið.

Athygli sveitarfélaga er vakin á því að í samráðsgátt liggja nú frammi annars vegar Grænbók um skipulagsmál og hins vegar Hvítbók um húsnæðismál.

Starfshópur sem heilbrigðisráðherra fól að gera tillögur um leiðir til að jafna aðgang að ýmis konar sérfræðiþjónustu á heilbrigðissviði óháð búsetu hefur skilað niðurstöðum sínum.

Samband íslenskra sveitarfélaga, í samstarfi við mennta- og barnamálaráðuneyti, samgöngu- og sveitarstjórnarráðuneytið og félags- og vinnumarkaðsráðuneytið, bjóða til málþings um skólamál.

Þann 5. júlí birti framkvæmdastjórn Evrópusambandsins tillögu um breytingu á rammatilskipun um úrgang (2008/98/EC).

Innviðaráðherra, hefur skipað stýrihóp um breytingar á byggingarreglugerð til loka árs 2024.

Félags- og vinnumarkaðsráðuneytið hefur uppfært tekju- og eignaviðmið fyrir árið 2023 í leiðbeiningum ráðherra til sveitarfélaga um framkvæmd sérstaks húsnæðisstuðnings til leigjenda.