Fréttir og tilkynningar

Í morgun stóð Jafnlaunastofa fyrir morgunverðarfundi um samstarf sveitarfélaga í þágu launajafnréttis. Heiða Björg Hilmisdóttir, formaður sambandsins, var fundarstjóri á fundinum og sagði í upphafi að það væri raun „óþolandi að við séum ennþá að tala um þetta en þeim mun mikilvægara að við séum að gera það.”

Stjórn Samtaka orkusveitarfélaga hvetur öll sveitarfélög á landsbyggðinni sem hafa orkumannvirki í nærumhverfi sínu, eða eru með hugsanleg virkjanaáform í farvatninu, til þess að staldra við í skipulagsmálum virkjana á meðan sanngjörn skipting auðlindarinnar verður fest í lög.

Stjórnir Hafnasambands Íslands og Samtaka sjávarútvegssveitarfélaga funduðu í vikunni og fjölluðu um skýrslu Ríkisendurskoðunar um sjókvíaeldi.

Heiða Björg Hilmisdóttir, formaður sambandsins, ávarpaði samráðsþing í Hörpu í gær um landsáætlun um innleiðingu á samningi Sameinuðu þjóðanna um réttindi fatlaðs fólks.

Sjöundi bekkur Selásskóla sigraði stuttmyndasamkeppnina Sexuna sem haldin var í fyrsta sinn í ár.

Eins og kunnugt er hófst í dag vinnustöðvun Eflingar stéttarfélags, sem m.a. veldur því að bílstjórar sem vinna að dreifingu eldsneytis leggja niður vinnu.

Verkefnastofa starfsmats og Jafnlaunastofu efnir til morgunfundar á Hótel Reykjavík Natura 20. febrúar kl. 09:00-11:00.

Samband íslenskra sveitarfélaga auglýsir starf framkvæmdastjóra laust til umsóknar. Um er að ræða fjölbreytt starf sem byggir m.a. á miklum samskiptum við sveitarstjórnarmenn, starfsmenn sveitarfélaga, fulltrúa ríkisvalds og Alþingi, hagsmunasamtök, stéttarfélög og aðra þá sem tengjast starfsemi sambandsins og sveitarfélaga.

Sambandið óskar eftir að ráða drífandi og metnaðarfullan verkefnastjóra í fullt starf til tveggja ára.

Útsvar sem innheimt var í staðgreiðslu á síðasta ári hækkaði um 11,7% milli ára.

Ný ráðgjafarnefnd kom saman til fyrsta fundar í gær. Hlutverk ráðgjafarnefndar Jöfnunarsjóðs sveitarfélaga er að gera tillögur til ráðherra um úthlutanir einstakra framlaga úr sjóðnum annarra en bundinna framlaga.

Hlutverk sjóðsins er að styðja fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi.

Samráðsþing fer fram í Hörpu þann 16. febrúar nk. um landsáætlun um innleiðingu á samningi SÞ um réttindi fatlaðs fólks.

Opinn fjarfundur um Hlutdeild Úrvinnslusjóðs í kostnaði sveitarfélaga fer fram miðvikudaginn 15. febrúar kl. 10:00-11:30.

Samband íslenskra sveitarfélaga skilar skýrslu til umhverfis-, orku og loftslagsráðuneytisins til að upplýsa um þau verkefni sem unnin voru á árinu 2022 í samstarfi við ráðuneytið og í þeim málefnum sem við koma ráðuneytinu.

Föstudaginn 3. febrúar sl. stóðu Samband íslenskra sveitarfélaga og Mannvit fyrir fræðsluviðburði og pallborðsumræðu á Grand hótel Reykjavík.

Samband íslenskra sveitarfélaga og Lánasjóður sveitarfélaga fóru í umfangsmiklar breytinginar á húsnæði sínu í Borgartúni 30 fyrir kosningar sl. vor. Farið var í verkefnamiðað vinnurými þar sem enginn á fast sæti.

Þróunarsjóður námsgagna hefur opnað fyrir umsóknir um styrki fyrir gerð og útgáfu námsefnis fyrir leik-, grunn- og framhaldsskóla.