Útsvar sem innheimt var í staðgreiðslu á síðasta ári hækkaði um 11,7% milli ára.
Útsvarið er veigamesti tekjustofn sveitarfélaga. Það er lagt er á tekjur einstaklinga svo sem laun, lífeyri, bætur almannatrygginga, atvinnuleysisbætur, fjárhagsaðstoð sveitarfélaga o.fl.
Þó nokkur munur er á þróun staðgreiðslu útsvars milli landshluta eins og fram kemur í eftirfarandi töflu. Hækkunin er mest Suðurnesjum en minnst á Norðurlandi vestra og á Vestfjörðum. Á Suðurnesjum hækkaði staðgreiðslan um tæp 18% en á Norðurlandi vestra og á Vestfjörðum var hækkunin rétt innan við 10%. Í öðrum landshlutum hækkaði staðgreiðslan á bilinu tæplega 11% til tæplega 15%.
| Staðgreiðsla í millj. kr | 2022 | 2021 | Breyting |
|---|---|---|---|
| Landið allt | 257.577 | 230.676 | 11,7% |
| Höfuðborgarsvæðið | 168.524 | 152.216 | 10,7% |
| Suðurnes | 18.532 | 15.718 | 17,9% |
| Vesturland | 11.303 | 10.118 | 11,7% |
| Vestfirðir | 4.829 | 4.407 | 9,6% |
| Norðurland vestra | 4.550 | 4.154 | 9,5% |
| Norðurland eystra | 20.887 | 18.633 | 12,1% |
| Austurland | 7.898 | 7.098 | 11,3% |
| Suðurland | 21.054 | 18.332 | 14,8% |
Íbúafjölgun var mismunandi milli landshluta eins og tölur Hagstofu um ársfjórðungslega þróun mannfjölda sýna. Landsmönnum fjölgaði um 2,5% í heild frá meðaltali 2021 til 2022. Á sama tíma fjölgaði íbúum á Suðurnesjum um 6% og á Suðurlandi um 5%. Hins vegar stóð íbúafjöldi á Norðurlandi vestra því sem næst í stað og á Vestfjörðum fjölgaði íbúum um 1,7%. Í öðrum landshlutum fjölgaði íbúum um 2-2½%.
Meðfylgjandi mynd sýnir hækkun staðgreiðslu í heild og á íbúa eftir landshlutum. Hækkun á íbúa var mest á Suðurnesjum, en minnst á Vestfjörðum og næst minnst á höfuðborgarsvæðinu.
Í skjalinu hér að neðan má sjá tekjur af staðgreiðslu hjá hverju og einu sveitarfélagi annars vegar fyrir árið 2022 og hins vegar fyrir árið 2021.