Fréttir og tilkynningar

Sambandið hefur veitt umsögn um drög að frumvarpi til laga um innheimtu skatta og gjalda. Sambandið tekur undir að sett verði heildarlög um innheimtu skatta og gjalda, í stað þess að styðjast við reglur sem eru á víð og dreif í lögum.

Þann 11. október n.k. verður efnt til námskeiðs fyrir kjörna fulltrúa í félagsmálanefndum og starfsfólk félagsþjónustu. Námskeiðið verður haldið á Hilton Reykjavík Nordica og stendur frá kl. 09:00-15:30. Námskeiðið verður í beinu streymi og eru nefndarmenn og starfsfólk sem ekki eiga heimagengt hvött til að sameinast á einum stað og horfa saman á námskeiðið.

Dagana 31. október – 1. nóvember verður haldin Jafnréttisráðstefna í Reykjavík á vegum Uppbyggingarsjóðs EFTA.

Nýtt loftslagsráð kom saman í fyrsta sinn miðvikudaginn 18. september sl.

Á fundi bæjarstjórnar Akureyrar 17. september sl. voru kynntar og samþykktar samhljóða tillögur starfshóps sem hafði það verkefni að útbúa viðbragðsáætlun vegna ofbeldis, áreitis og/eða kynferðislegrar áreitni sem kjörnir fulltrúar kunna að verða fyrir í störfum sínum fyrir bæinn.

Umhverfis- og auðlindaráðuneytið óskar eftir umsögnum um drög að reglugerð um gerð strandsvæðisskipulags.

Föstudaginn 20. september nk. efnir Norræna velferðarmiðstöðin í samstarfi við Samband íslenskra sveitarfélaga, Félagsmálaráðuneytið og Heilbrigðisráðuneytið til vinnustofu í velferðartækni. 

Sá hópur sem gerir mestar kröfur til okkar er unga fólkið og á þau verðum við að hlusta.

Átakið „Plastlaus september“ er nú í fullum gangi. Er þetta í þriðja sinn sem átakið er haldið og hefur þátttaka farið vel af stað. Markmið verkefnisins er að vekja fólk til umhugsunar um platsnotkun og leiðir til þess að minnka notkun plasts.

Í samráðsgátt er nú til umsagnar tillaga til þingsályktunar um stefnumótandi áætlun ríkisins í málefnum sveitarfélaga. Á landsþingi sambandsins sem haldið var fyrir helgi, var umsögn sambandsins borin undir þingið og samþykkt.

XXXIV. landsþing Sambands íslenskra sveitarfélaga, aukalandsþing, fer nú fram á Grand hóteli í Reykjavík.

Aldís Hafsteinsdóttir, formaður stjórnar Sambands íslenskra sveitarfélaga, setti XXXIV. landsþing sambandsins í morgun.

„Til að nýta til fulls tækifærin til sóknar og jafnframt til að takast á við áskoranirnar þá þurfum við öflug og sjálfbær sveitarfélög. Sveitarfélög sem bæði geta veitt íbúum sínum bestu þjónustu sem völ er á og unnið að hagsmunamálum þeirra og samfélagsins alls.“

XXXIV. landsþing Sambands íslenskra sveitarfélag samþykkti í dag að mæla með því við Alþingi að fyrirliggjandi þingsályktunartillaga um stefnumótandi áætlun í málefnum sveitarfélaga fyrir árin 2019-2033 og aðgerðaráætlun fyrir árin 2019-2023.

Nýjar reglur um fjárhagslega aðstoð Jöfnunarsjóðs sveitarfélaga til að greiða fyrir sameiningu sveitarfélaga hafa verið birtar í samráðsgátt stjórnvalda til umsagnar.

Samninganefnd Sambands íslenskra sveitarfélaga hefur undirritað samkomulag við Kennarasamband Íslands vegna Skólastjórafélags Íslands, Félags grunnskólakennara, Félags stjórnenda leikskóla, Félags leikskólakennara og Félags kennara og stjórnenda í tónlistarskólum um endurskoðun viðræðuáætlunar aðila.

Samgöngu- og sveitarstjórnarráðuneytið, Byggðastofnun og Nordregio (rannsóknastofnun Norrænu ráðherranefndarinnar í skipulags- og byggðamálum) boða til fundar fimmtudaginn 12. september nk. í Háskólanum á Akureyri um tækifæri og áskoranir í byggðaþróun.

Þingmenn Evrópuþingsins samþykktu þann 16. júlí síðastliðinn að varnarmálaráðherra Þýskalands, Ursula von der Leyen, yrði næsti forseti framkvæmdastjórnar Evrópusambandsins (ESB).